TR  |  EN  |  RU
turkey turkey   azerbaijan kazakhstan kyrgyzstan turkmenistan uzbekistan kktc qha TAT BAŞQ
Ana Sayfa
Birlik Hakkında
Üye Haber Ajansları
Bildiri
Başkanın Mesajı
Tüzük
Haberler



Özbekistan
Do‘stlik va qardoshlik ifodasi

O‘zA, 24.11.2008 18:55 
  Ozarboyjonning «Gartal» nashriyoti yaqinda adabiyotshunos olima Almaz Ulvining «Ozarboyjon-o‘zbek adabiy aloqalari» (davrlar, siymolar, janrlar, tamoyillar) kitobini chop etdi.

Mustaqillik yillarida O‘zbekiston va Ozarboyjon o‘rtasidagi aloqalar ko‘lami yanada kengaydi. Yurtboshimizning shu yil sentabr oyida Ozarboyjon Respublikasiga rasmiy tashrifi madaniy-ma’rifiy sohalardagi hamkorlik rivojida ham muhim qadam bo‘ldi.

Tili, madaniyati, an’ana va urf-odatlari bir-biriga yaqin bo‘lgan bu ikki xalq o‘rtasidagi do‘stlik, birodarlik ko‘p asrlik tarixga ega. Bu tarixiy manbalarda, og‘zaki va yozma adabiyot namunalarida o‘z aksini topgan. Xususan, xalq og‘zaki ijodida, doston va ertaklarda, maqol va matallarda ana shunday mushtarak jihatlarni yaqqol ko‘rish mumkin.

Mamlakatimizda ozarboyjon adabiyoti va san’atiga qiziqish katta bo‘lganidek, Ozarboyjonda ham xalqimizning boy va betakror madaniyatiga alohida ehtirom bilan qaraladi. Xalqlarimiz o‘rtasidagi madaniy aloqalar ko‘plab olim va mutaxassislar uchun tadqiqot mavzui bo‘lib kelmoqda.

Filologiya fanlari nomzodi Almaz Ulvi ham ko‘p yillardan beri ana shu yo‘nalishda ilmiy izlanishlar olib boradi. Bu mavzuda ko‘plab risola va ilmiy maqolalari chop etilgan. Uning «Ozarboyjon-o‘zbek adabiy aloqalari» asarida xalqlarimizning folklor, mumtoz va zamonaviy adabiyotidagi o‘xshash jihatlar, adabiy-madaniy sohadagi aloqalarning tarixi, bugungi kuni va istiqbollari, bu borada soha mutaxassislari oldida turgan muhim vazifalar xususida fikr yuritilgan.

Jumladan, kitobdan o‘rin olgan «Hazrat Alisher Navoiy hayoti va ijodiga chizgilar», «Ozarboyjonda Navoiy merosining o‘rganilishi», «O‘zbek adabiyoti va adabiyotshunosligida Nizomiy, Nasimiy va Fuzuliy an’analari», «O‘zbek she’riyati ozarboyjon tilida» singari maqolalarida yangicha qarashlar, qimmatli ma’lumotlar aks etgan.

Kitobda Cho‘lpon, G‘afur G‘ulom, Maqsud Shayxzoda singari XX asr o‘zbek adabiyoti namoyandalarining ijodiy faoliyati, ularning ikki xalq madaniy aloqalari rivojiga qo‘shgan hissasi, shuningdek, teatr va dramaturgiya sohasidagi hamkorlik masalalari ham keng yoritilgan.

Muallif o‘z asarida istiqlol yillarida ikki qardosh xalq o‘rtasidagi har tomonlama hamkorlik, do‘stona munosabatlar yangi bosqichga ko‘tarilganini qayd etib, so‘nggi yillarda ushbu yo‘nalishda amalga oshirilayotgan ibratli ishlar haqida batafsil to‘xtalib o‘tadi.

 
Teatr va zamon

Mamlakatimizda milliy teatr san’atining yanada ravnaq topishi, o‘ziga xos an’analarini rivojlantirish borasida keng ko‘lamli ishlar amalga oshirilmoqda. Nafaqat poytaxtimiz, balki barcha hududlarda yangi san’at maskanlari qurilib, foydalanishga topshirilmoqda, mavjudlari zamon talabi darajasida tubdan ta’mirlanib, moddiy texnik-bazasi mustahkamlanmoqda, teatr ijodkorlari har tomonlama qo‘llab-quvvatlanmoqda.

O‘zbekiston Milliy matbuot markazida yurtimiz teatrlarining 2008 yildagi faoliyatiga bag‘ishlangan brifingda shu haqda gap bordi. O‘zbekiston Respublikasi madaniyat va sport ishlari vazirining birinchi o‘rinbosari B.Sayfullayev, “O‘zbekteatr” ijodiy ishlab chiqarish birlashmasi bosh direktori O.Rizayev va boshqalar Prezidentimiz Islom Karimov rahnamoligida xalqimiz, ayniqsa, o‘sib kelayotgan yosh avlod ma’naviyatini yuksaltirish, uning mustaqil fikrli, barkamol shaxs bo‘lib voyaga yetishi jarayonida milliy san’atimiz, jumladan, teatr rivojiga alohida e’tibor qaratilayotganini ta’kidladilar.

Sohadagi yangi ijodiy loyihalarni qo‘llab-quvvatlash, san’atga umrini baxshida etgan kishilarning zahmatli mehnatini e’zozlash, teatr uchun malakali mutaxassislarni tayyorlashga alohida ahamiyat qaratilayotir. Bularning bari ijodkorlarni istiqlolimiz ne’matlarini, xalqimizning buyuk bunyodkorlik salohiyatini, ibratli milliy qadriyatlarimizni tarannum etuvchi, hayotbaxsh g‘oyalar bilan yo‘g‘rilgan, yoshlarni yuksak ma’naviy-axloqiy fazilatlar ruhida tarbiyalashga xizmat qiluvchi sahna asarlari yaratishga ilhomlantirmoqda.

Teatrlarimiz jamoalari o‘zlarining eng sara spektakllari bilan xorijiy davlatlarda o‘tkazilayotgan nufuzli xalqaro tanlovlar, festivallar, ijodiy anjumanlarda muvaffaqiyatli qatnashayotgani milliy teatr sohasida qo‘lga kiritilgan yutuqlarni jahonda keng targ‘ib va tashviq etish imkonini bermoqda. O‘zbek Milliy akademik drama teatri, Alisher Navoiy nomidagi O‘zbekiston Davlat akademik katta teatri, Muqimiy nomidagi O‘zbek davlat musiqali drama teatri, Respublika Yosh tomoshabinlar teatri, Buxoro viloyati qo‘g‘irchoq teatri, Mannon Uyg‘ur nomidagi Surxondaryo viloyat musiqali drama teatrining Yaponiya, Rossiya, Misr, Turkiya kabi davlatlarda o‘tkazilgan nufuzli san’at festivallaridagi muvaffaqiyatli ishtiroki buning dalilidir.

“Yoshlar yili” Davlat dasturida belgilangan yoshlarni hayotga qat’iy e’tiqod va qarashlar ruhida tarbiyalash, zararli mafkuraviy xurujlardan asrab-avaylash borasidagi vazifalar ijrosini ta’minlash, yigit-qizlarda sog‘lom tafakkurni shakllantirish maqsadida O‘zbekiston Madaniyat va sport ishlari vazirligi “O‘zbekteatr” ijodiy ishlab chiqarish birlashmasi bilan hamkorlikda qator chora-tadbirlarni amalga oshirmoqda.

Tadbirda “O‘zbekteatr” ijodiy ishlab chiqarish birlashmasining 2009 yildagi rejalari haqida jurnalistlarga atroflicha ma’lumot berildi.

 
<< Başlat < Önceki 1 2 3 4 Sonraki > Son >>

Sayfa 4 > 4
  TKA 2008