TR  |  EN  |  RU
turkey turkey   azerbaijan kazakhstan kyrgyzstan turkmenistan uzbekistan kktc qha TAT BAŞQ
Ana Sayfa
Birlik Hakkında
Üye Haber Ajansları
Bildiri
Başkanın Mesajı
Tüzük
Haberler



Наурыз мейрамы үш күн тойланып, Конституция күні ұлттық мереке ретінде жарияланады, ал Республика күнінің мәртебесі өзгертіледі – заң жобасы

АСТАНА. Наурыздың 4-і. ҚазАқпарат - Бүгін ҚР Парламенті Мәжілісінің жалпы отырысында палата депутаттары «ҚР мерекелер туралы заңына өзгерістер енгізу туралы» заң жобасын мақұлдады.
Заң жобасы бойынша Наурыз мейрамын наурыздың 21-23-і аралығында тойлау, Конституция күнін ұлттық мереке ретінде жариялау және Республика күні мәртебесін өзгерту көзделген, деп хабарлайды ҚазАқпарат.
Естеріңізге сала кетейік, Мемлекет басшысы өткен жылы қазақ үшін қадірлі болып табылатын «Наурыз мейрамын» жаңа тұрпатта мерекелеу қажеттігін айтып, осы іске бастама көтерген болатын. Осыған орай, Әділет министрлігі «ҚР мерекелер туралы» заңына өзгерістер енгізген. Ол бойынша заң жобасында наурыздың 22-сінің орнына наурыздың 21-і мен 23-і аралығын «Наурыз мейрамы» мемлекеттік мерекесі деп белгілеу көзделді. Наурыз мейрамын үш күн бойы мерекелеу оның жалпы адамзаттық құндылықтарды бекітудегі маңызын, Қазақстан халқының бірлігін нығайтудағы рөлін мойындау болып табылады.
Заң жобасын талқылау барысында депутат Кенжеғали Сағадиев үш түзету енгізді. Атап айтқанда, депутат ұсынысы бойынша Конституция күні (тамыздың 30-ы) мерекесінің мемлекеттік мәртебесіне ұлттық мейрам мәртебесін беру сондай-ақ, Тәуелсіздік күніне (желтоқсанның 16-сы) мемлекеттік мереке мәртебесін беру қарастырылады. Сонымен бірге, мерекелер тізбесінен Республика күнін (қазанның 25-і) алып тастау көзделеді. «Республика Конституциясы біздің мемлекетіміздің негізгі Ата заңы болып табылатындықтан бұл күн ерекше мәртебеге - мемлекеттік әрі ұлттық мәртебеге ие болуға лайықты әрі барлық мемлекеттік органдарда, ұйымдарда ұлттық мереке ретінде тойлануы тиіс. Үкімет депутат тарапынан жасалған осы ұсынысты қолдайды. Сондықтан да, заң жобасы бойынша Наурыз мейрамы наурыздың 21-23-і аралығында мерекеленетін болады. Ал Конституция күні ұлттық мереке болып жарияланып, Республика күнінің мәртебесі өзгертіліп, ол күн тек саяси маңызды күн ретінде ескерілетін болады», деді заң жобасы бойынша баяндама жасаған Әділет министрі Зағипа Балиева.
Бірқатар пікірталастан кейін палата депутаттары заң жобасын мақұлдады. Енді құжат Парламент Сенатының талқылауына жіберіледі.

Nawrız meyramı üş kün toylanıp, Konstïtwcïya kün³ ulttıq mereke ret³nde jarïyalanadı, al Respwblïka kün³n³ñ märtebes³ özgert³led³ – zañ jobası

ASTANA. Nawrızdıñ 4-³. QazAqparat  - Büg³n QR Parlament³ Mäj³l³s³n³ñ jalpı otırısında palata depwtattarı «QR merekeler twralı zañına özger³ster eng³zw twralı» zañ jobasın maquldadı.
Zañ jobası boyınşa Nawrız meyramın nawrızdıñ 21-23-³ aralığında toylaw, Konstïtwcïya kün³n ulttıq mereke ret³nde jarïyalaw jäne Respwblïka kün³ märtebes³n özgertw közdelgen, dep xabarlaydı QazAqparat.
Ester³ñ³zge sala ketey³k, Memleket basşısı ötken jılı qazaq üş³n qad³rl³ bolıp tabılatın «Nawrız meyramın» jaña turpatta merekelew qajett³g³n aytıp, osı ³ske bastama kötergen bolatın. Osığan oray, Äd³let mïnïstrl³g³ «QR merekeler twralı» zañına özger³ster eng³zgen. Ol boyınşa zañ jobasında nawrızdıñ 22-s³n³ñ ornına nawrızdıñ 21-³ men 23-³ aralığın «Nawrız meyramı» memlekett³k merekes³ dep belg³lew közdeld³. Nawrız meyramın üş kün boyı merekelew onıñ jalpı adamzattıq qundılıqtardı bek³twdeg³ mañızın, Qazaqstan xalqınıñ b³rl³g³n nığaytwdağı röl³n moyındaw bolıp tabıladı.
Zañ jobasın talqılaw barısında depwtat Kenjeğalï Sağadïev üş tüzetw eng³zd³. Atap aytqanda, depwtat usınısı boyınşa Konstïtwcïya kün³ (tamızdıñ 30-ı) merekes³n³ñ memlekett³k märtebes³ne ulttıq meyram märtebes³n berw sonday-aq, Täwels³zd³k kün³ne (jeltoqsannıñ 16-sı) memlekett³k mereke märtebes³n berw qarastırıladı. Sonımen b³rge, merekeler t³zbes³nen Respwblïka kün³n (qazannıñ 25-³) alıp tastaw közdeled³. «Respwblïka Konstïtwcïyası b³zd³ñ memleket³m³zd³ñ neg³zg³ Ata zañı bolıp tabılatındıqtan bul kün erekşe märtebege - memlekett³k är³ ulttıq märtebege ïe bolwğa layıqtı är³ barlıq memlekett³k organdarda, uyımdarda ulttıq mereke ret³nde toylanwı tï³s. Ük³met depwtat tarapınan jasalğan osı usınıstı qoldaydı. Sondıqtan da, zañ jobası boyınşa Nawrız meyramı nawrızdıñ 21-23-³ aralığında merekelenet³n boladı. Al Konstïtwcïya kün³ ulttıq mereke bolıp jarïyalanıp, Respwblïka kün³n³ñ märtebes³ özgert³l³p, ol kün tek sayasï mañızdı kün ret³nde esker³let³n boladı», ded³ zañ jobası boyınşa bayandama jasağan Äd³let mïnïstr³ Zağïpa Balïeva.
B³rqatar p³k³rtalastan key³n palata depwtattarı zañ jobasın maquldadı. End³ qujat Parlament Senatınıñ talqılawına j³ber³led³.

 
  TKA 2008