TR  |  EN  |  RU
turkey turkey   azerbaijan kazakhstan kyrgyzstan turkmenistan uzbekistan kktc qha TAT BAŞQ
Ana Sayfa
Birlik Hakkında
Üye Haber Ajansları
Bildiri
Başkanın Mesajı
Tüzük
Haberler



Başqırdıstan
Башҡортостан шәкәре экспортҡа оҙатыла
Башҡортостан, "Башинформ", 17 ноябрь 2011.

Шишмә шәкәр заводы үҙенең продукцияһын Ҡаҙағстанға һәм Ҡырғыҙстанға оҙата башланы, тип хәбәр иттеләр БР Ауыл хужалығы министрлығында. Бөтә Рәсәйҙән һәм ҡайһы бер яҡын сит илдәрҙән Башҡортостан шәкәренә заявкалар килә. Республика аграрийҙары менән быйыл йыйып алынған «татлы» тамыр уңышы республика ихтыяжын тулыһынса ҡәнәғәтләндереүҙән тыш, продукцияның артып ҡалған өлөшөн экспортҡа сығарырға ла мөмкинлек бирә.

Хәтерегеҙгә төшөрәйек, сөгөлдөрсөләр 1,4 млн тонна татлы тамыраҙыҡ ҡаҙып алды. Уның уңышы гектарынан уртаса алғанда 255 центнерҙы тәшкил итте. Миллион тонна сөгөлдөр эшкәртеүгә оҙатылды. Шәкәр заводтары әле һаман сөгөлдөр уңышын ҡабул итә, уны эшкәртеп, әҙер продукция итеп тейәп оҙата.

Республикалағы шәкәр заводтары урындағы сеймал менән Яңы йылға тиклем тулыһынса тәьмин ителгән, тип ышандырҙылар Ауыл хужалығы министрлығында. Йыйып алынған уңыштан Башҡортостан 150-160 мең тонна шәкәр ҡомо аласаҡ. Эшкәртелмәгән шәкәрҙән йәйгеһен тағы ла 80 мең тонна шәкәр етештерелгән булған. Был халыҡтың, йәмәғәт туҡланыу ойошмаларының, мәктәптәр, дауаханаларҙың, социаль өлкәгә ҡараған башҡа төрлө учреждениеларҙың, аҙыҡ-түлек һәм кондитер сәнәғәте предприятиеларының ихтыяжын тәьмин итеүҙән тыш, артып ҡалғанды төбәктән ситкә һатыуға ла етә.

Продукцияны тимер юл ярҙамында ташыуҙы ойоштороу өсөн республиканың аграр ведомствоһы махсус эш төркөмө төҙөнө. Күсмә состав менән поставкалауға бирелгән заявкаларға һәм агросәнәғәт комплексы предприятиелары буйынса уларҙың нисек үтәлеүенә ҡәтғи мониторинг алып барыласаҡ. Шәкәр ҡомон тейәүгә вагондар һәм патока ташыу өсөн цистерналарҙы «Беренсе йөк компанияһы» асыҡ акционерҙар йәмғиәте, «ЛП-транс» яуаплылығы сикләнгән йәмғиәте, «Русагротранс» яуаплылығы сикләнгән йәмғиәте бирә. Күсмә составтар менән поставкалау мәсьәләһе туранан-тура идара итеү режимында хәл ителә. Был алым етештерелгән продукцияны тейәгән арала эшкәртеү производстволарының эшен туҡтатмаҫҡа ярҙам итә.

http://www.bashinform.ru/bash/412114/
 
Йәш ауыл табиптары торлаҡ һатып алыуға 1,1 млн һум аҡса аласаҡ
Башҡортостан, "Башинформ", 17 ноябрь 2011.

Ауылда эшләргә ҡарар иткән медицина вуздарын тамамлаусылар 2012 йылдан башлап «аяҡҡа баҫыу өсөн» республика бюджетынан 100-әр мең һум аҡса аласаҡ. Был «Земство табибы» проекты сиктәрендә торлаҡ һатып алыуға бирелергә тейешле 1 млн һумдан тыш күрһәтеләсәк ярҙам. Хәтерегеҙгә төшөрәйек, «Земство табибы» проекты был проектта өҫтәп финанслау шарттарында ҡатнашырға әҙер төбәктәргә генә федераль средстволар бүлеүҙе күҙ уңында тота.

— Уҡыуҙы тамамлағандан һуң биш йыл ауыл ерендә эшләргә теләк белдергән һәр йәш табипҡа 100 мең һум бүлеү тураһындағы указға ҡул ҡуйылды, — тип хәбәр итте «Интерфакс»та үткән матбуғат конференцияһында Башҡортостан Хөкүмәте Премьер-министры урынбаҫары Фидус Ямалетдинов.

Вице-премьер әйтеүенсә, нормативтар буйынса ауылда төрлө белгеслектәге 3600 табип эшләргә тейеш. Бөгөнгө көндә төпкөл ауылдарҙа 1280 кеше етмәй. Йыл һайын ауылға 300 самаһы йәш табип ебәреү планлаштырыла.

— Ябай арифметика алымы менән иҫәпләп ҡарағанда, ике-өс йылдан һуң ауыл ерендә табиптар етешмәү проблемаһын хәл итергә мөмкин. «Земство табибы» федераль программаһы эшләй башлаһа инде, әлбиттә, — тип өҫтәне Фидус Ямалетдинов.

«Земство табибы» проекты ағымдағы йылда берҙәм рәсәйлеләрҙең лидеры, Рәсәй Хөкүмәте Рәйесе Владимир Путин менән тәҡдим ителде. Программаның асылы түбәндәгенән ғибәрәт: ауыл ерендә кәм тигәндә биш йыл эшләргә теләк белдергән һәр йәш табип үҙенең социаль-көнкүреш проблемаларын хәл итеү өсөн дәүләттән бер миллион һум аҡса ала ала.

«Земство табибы» программаһын тормошҡа ашырыу 2012 йылдың ғинуарынан башланырға тейеш. Федераль бюджеттан был проектҡа 11 миллиард һум бүлеү ҡаралған. Республикала ауылға ҡайтырға теләгән ҙур курстарҙа уҡыусы студенттар һәм интерндарҙың исемлеге төҙөлә башлаған да инде.

http://www.bashinform.ru/bash/412141/
 
Өфөнөң «Ихлас» мәсете ҡарамағында фарсы кухняһы рестораны асыласаҡ
Башҡортостан, "Башинформ", 11 ноябрь 2011.
Өфөнөң «Ихлас» мәсете ҡарамағында фарсы кухняһы рестораны асыласаҡ, тип хәбәр итте Башҡортостанда хәләл индустрияһын үҫтереүгә арналған түңәрәк өҫтәл барышында әлеге мәсет имамы Мөхәммәт Ғәлләмов.

— Бының өсөн Ирандан белгестәрҙе һәм бизнесмендарҙы саҡырҙыҡ, — тине Мөхәммәт хәҙрәт. – Оҫталар залды тейешле стилдә биҙәйәсәк, ә тәжрибәле ашнаҡсылар хәләл нормаларына тап килтереп фарсы кухняһы ризыҡтарын әҙерләйәсәк. Бында Ирандың билдәле тәмле-татлы ризыҡтарынан да ауыҙ итеп буласаҡ.

Уның һүҙҙәренсә, ноябрь аҙағында Иран Ислам республикаһынан беренсе белгестәр киләсәк. Буласаҡ ресторан бинаһы мәсеттән һул яҡта төҙөлгән дә инде. Әлеге ваҡытта эске һәм тышҡы биҙәү эштәре алып барыла. Буласаҡ ресторанға исем дә уйлап табылған — «Ирани».
http://www.bashinform.ru/bash/409907/

 
Рөстәм Хәмитов Өфөлә 2013 йылғы Ҡышҡы халыҡ-ара балалар уйындарына әҙерлек һәм уны үткәреү тураһындағы указға ҡул ҡуйҙы
Башҡортостан, "Башинформ", 01 ноябрь 2011.

1 ноябрҙә Башҡортостан Президенты Рөстәм Хәмитов «Өфө ҡалаһында 2013 йылғы VI Ҡышҡы халыҡ-ара балалар уйындарына әҙерлек һәм уны үткәреү тураһында»ғы указға ҡул ҡуйҙы, тип хәбәр итә республика башлығының матбуғат хеҙмәте.

Указға ярашлы, VI Ҡышҡы халыҡ-ара балалар уйындары Башҡортостандың баш ҡалаһында 2013 йылдың февраль-мартында үтәсәк. Ойоштороу комитеты менән берлектә республика Хөкүмәтенә 2011 йылдың 20 декабренә тиклем уйындарға әҙерлек һәм уны үткәреү буйынса саралар планын раҫларға, шулай уҡ указды ғәмәлгә ашырыуға бәйле сығымдарҙы финанслау сығанаҡтарын билдәләргә ҡушылған.

Белешмә өсөн. Халыҡ-ара балалар уйындары Халыҡ-ара Олимпия комитеты ярҙамында 1968 йылдан башлап үткәрелә. Йола буйынса унда 12-15 йәштәрҙәге балалар ҡатнаша. Уйындар ойошторолғандан алып унда 37 мең йәш спортсы ҡатнашҡан. 1968 йылдан алып 44 йәйге һәм биш ҡышҡы Халыҡ-ара балалар уйындары ойошторолған. Өфөгә ярыштарға донъяның төрлө илдәренән меңгә яҡын уҡыусының килеүе көтөлә.

http://www.bashinform.ru/bash/408143/
 
Өфөлә мосолмандар китапханаһы асылды
Башҡортостан, "Башинформ", 2 сентябрь 2011 йыл.
Өфөлә тәүге мосолмандар китапханаһы «Байтул Мал» шәфҡәтлелек фонды башланғысы менән һәм Рәсәй мосолмандары Үҙәк диниә назаратының Рәсәй ислам университеты ярҙамында асылды. Ул Октябрь проспекты, 85/2 адресы буйынса урынлашҡан.

Мосолмандар китапханаһы өсөн китаптар туплау менән «Байтул Мал» шәфҡәтлелек фонды  менән «Мәҙинә» нәшриәте шөғөлләнде.

— Китапхана ике маҡсат менән асылды, — тип «Башинформ» агентлығына комментарий бирҙе Фонд директоры Артур Насибуллов. – Беренсенән, ислам тураһындағы мәғлүмәт менән һәр кем таныша алһын өсөн. Икенсенән, кешеләр китап һатып алыуға ҡулланған аҡсаларын ғаилә бюджетына йүнәлтһен өсөн. Барлыҡ китаптарҙы ла һатып алып бөтөп булмай бит – китап магазиндарында күҙҙәр ҡамаша. Ә махсус китапхананан уларҙы билдәле бер ваҡытҡа бушлай алырға була. Минең уйлауымса, һәр мосолманда мотлаҡ булырға тейеш китап – ул Ҡөръән, ә башҡа китаптарҙы ул китапхананан да алып тора ала.

Китапхана фондын тулыландырыу дауам итә. Китаптар ойошмаларҙан һәм айырым кешеләрҙән ҡабул ителә. Улар барыһы ла алдан Рәсәй мосолмандарының Үҙәк диниә назараты Рәсәй ислам университетының эксперттар советы аша үтә. Китаптар, башҡа китапханаларҙа кеүек үк, билеттар буйынса бирелә.
http://www.bashinform.ru/bash/391167/

 
<< Başlat < Önceki 1 2 3 4 5 6 7 8 9 10 Sonraki > Son >>

Sayfa 8 > 31
  TKA 2008