TR  |  EN  |  RU
turkey turkey   azerbaijan kazakhstan kyrgyzstan turkmenistan uzbekistan kktc qha TAT BAŞQ
Ana Sayfa
Birlik Hakkında
Üye Haber Ajansları
Bildiri
Başkanın Mesajı
Tüzük
Haberler



AZƏRBAYCAN BANKLAR ASSOSİASİYASI İLİN YEKUNLARINA VƏ GƏLƏN İLİN İŞ PLANINA DAİR İCLAS KEÇİRMİŞDİR

AzərTAc xəbər verir ki, Azərbaycan Banklar Assosiasiyası (ABA) dekabrın 10-da respublikamızdakı bankların fəaliyyəti ilə bağlı illik yekunlar və dünya maliyyə böhranının bank sisteminə təsiri mövzusunda iclas keçirmişdir.
İclasda üzv banklarla yanaşı Milli Bank, Dünya Bankının Bakı ofisi və Beynəlxalq Valyuta Fondunun nümayəndələri də iştirak etmişlər.
ABA-nın prezidenti Eldar İsmayılov kommersiya banklarının ölkədə aparılan iqtisadi islahatların ön sıralarında olduğunu vurğulamışdır. Milli Bank tərəfindən uçot dərəcəsinin və icbari ehtiyatların səviyyəsinin aşağı salınmasının risklərin azaldılması və likvidliyin artırılması baxımından vacibliyini qeyd edən E.İsmayılov tədbirlər planının davamının olacağını da demişdir.
Beynəlxalq Valyuta Fondunun ölkəmizdəki nümayəndəliyinin rəhbəri Koba Qvenetadze dünya maliyyə böhranının Mərkəzi Asiya ölkələrinə vurduğu ziyandan və bununla mübarizə metodlarından danışmışdır.
Dünya Bankının Bakı ofisinin rəhbəri Qreqori Yedjeyçak Azərbaycanın keçmiş sovet ölkələri arasında daha az borc alan ölkə olduğunu nəzərə çatdırmışdır. Onun sözlərinə görə, buna səbəb ölkədəki bankların riskləri idarəetmə baxımından daha konservativ mövqe tutmalarıdır.
Milli Bankın kredit təşkilatlarının fəaliyyətinə nəzarət departamentinin direktoru Rəşad Orucov ölkənin ümumilikdə 8,6 milyard manat xarici borcunun olduğunu, bu rəqəmin daxili valyuta ehtiyatlarının 16 faizini təşkil etdiyini diqqətə çatdırmışdır. Demişdir ki, proqnozlara görə, 2009-cu ildə inflyasiya həddi 16-17 faiz təşkil edəcəkdir. Manat xarici valyutalara nisbətdə 12 faiz möhkəmlənmişdir. Bu, idxalın yüksəlməsi üçün münbit şərait yaradacaqdır. "Bu gün biz öz aktivlərimizi xarici aktivlərdə saxlamırıq. Bu bizim bank sektorunun zəif olduğunu deyil, baş verəcək istənilən risklərdən qorumaq yolunda atdığımız addım kimi qiymətləndirilməlidir"-deyə o vurğulamışdır.
Tədbirin sonunda ABA-nın 2009-cu il üçün iş planı təsdiqlənmişdir.

 
  TKA 2008