TR  |  EN  |  RU
turkey turkey   azerbaijan kazakhstan kyrgyzstan turkmenistan uzbekistan kktc qha TAT BAŞQ
Ana Sayfa
Birlik Hakkında
Üye Haber Ajansları
Bildiri
Başkanın Mesajı
Tüzük
Haberler



Azerbaycan
AZƏRBAYCAN HƏQİQƏTLƏRİ BELÇİKA SENATINDA

AzərTAc xəbər verir ki, Belçika Senatında Dünya Azərbaycanlıları Konqresinin (DAK) təşkilatçılığı ilə xüsusi dinləmələr keçirilmişdir. DAK sədri, Milli Məclisin deputatı Sabir Rüstəmxanlı tədbirdə Ermənistan-Azərbaycan, Dağlıq Qarabağ münaqişəsinin səbəbləri və kökləri, ermənilərin zaman-zaman türklərə və azərbaycanlılara qarşı törətdiyi soyqırımı və terror aktları barədə ətraflı məlumat vermiş, məkrli erməni siyasətinin iç üzünü açmış, konkret faktları diqqətə çatdırmışdır.
DAK-ın mətbuat xidmətindən bildirmişlər ki, tədbirdə Belçika parlamentinin üzvləri ilə yanaşı Almaniya, Rusiya və Hollandiyadan gəlmiş siyasətçilər, Azərbaycan və türk icmalarının nümayəndələri də iştirak etmişlər.
S.Rüstəmxanlı demişdir ki, Dağlıq Qarabağda ən çox əzilən azərbaycanlılar və türklər olmuşdur. Amma dünya birliyi nədənsə buna göz yumur, erməni təcavüzünü tanımaqdan çəkinir. Azərbaycan xalqının sülhsevər, mehriban qonşuluq şəraitində yaşamaq arzusunda olduğunu, ermənilərin təcavüzkar, Ermənistanda isə terrorun dövlət səviyyəsində dəstəkləndiyini dünya ictimaiyyətinə çatdırmaq üçün DAK müxtəlif ölkələrdə mütəmadi olaraq bu cür tədbirlər keçirəcəkdir.
Sonra DAK sədri Azərbaycanın bugünkü inkişafı, regionda həyata keçirilən layihələrdən danışmış, tədbir iştirakçılarının suallarını cavablandırmışdır.
S.Rüstəmxanlının çıxışı böyük maraqla qarşılanmışdır.

 
2009-CU İL ÜÇÜN YAŞAYIŞ MİNİMUMU MÜƏYYƏN EDİLMİŞDİR

AzərTAc xəbər verir ki, Azərbaycan Prezidenti İlham Əliyev ölkəmizdə 2009-cu il üçün yaşayış minimumu haqqında qanunu təsdiq etmişdir.
Qanuna əsasən gələn il üçün Azərbaycan Respublikasında yaşayış minimumu 84 manat, o cümlədən əməkqabiliyyətli əhali üçün 92 manat, pensiyaçılar üçün 65 manat, uşaqlar üçün 69 manat müəyyən edilmişdir.

 

 
GƏLƏN İL ÜÇÜN AZƏRBAYCANDA EHTİYAC MEYARI 60 MANAT TƏSDİQ EDİLMİŞDİR

AzərTAc xəbər verir ki, Azərbaycan Prezidenti İlham Əliyev Azərbaycan Respublikasında 2009-cu il üçün ehtiyac meyarının həddi haqqında qanunu təsdiq etmişdir.
Gələn il yanvarın 1-dən qüvvəyə minəcək qanuna əsasən bu meyarın həddi 60 manat məbləğində təsdiq olunmuşdur.

 
ÖTƏN 11 AYDA ARDNŞ-İN EMAL KOMPLEKSİNDƏ 6 MİLYON 700 MİN TONDAN ÇOX NEFT EMAL OLUNMUŞDUR

AzərTAc xəbər verir ki, cari ilin 11 ayında Azərbaycan Respublikasi Dövlət Neft Şirkətinin (ARDNŞ) emal kompleksində 6 milyon 746,01 min ton neft emal olunmuşdur.
Cari ilin noyabrında isə neft emalı zavodlarında 628,58 min ton məhsul istehsal edilmişdir.
Ötən ay 139,59 min ton avtomobil benzini (11 ayda 1183, 24 min ton), 19,62 min ton kimya sənayesi üçün ilkin benzin fraksiyası (11 ayda 252, 40 min ton), 216,14 min ton dizel yanacağı (11 ayda 2198,59 min ton), 93,39 min ton əmtəəlik soba mazutu (11 ayda 1046,57 min ton), 22,93 min ton neft bitumu (198,24 min ton), 14,62 min ton neft koksu (11 ayda 167,65 min ton), 1,44 min ton sürtkü yağı ( 11 ayda 48,87 min ton), 16,54 min ton maye qaz (11 ayda 169,52 min ton), 1,46 min ton DT markalı mühərrik yanacağı (11 ayda 87,71 min ton) emal olunmuşdur.

 

 
KİMSE YOK MU YARDIM DƏRNƏYİ BAKIDA 2 MİN 400 AİLƏNİ SEVİNDİRMİŞDİR

AzərTAc xəbər verir ki, Türkiyənin əsas yardım qurumlarından biri olan "Kimse Yok Mu" dərnəyi bu il də Qurban bayramı münasibətilə Azərbaycanda yoxsul ailələri sevindirmişdir.
Dərnəyin bir qrup təmsilçisi Azərbaycanda 2 min 400 ailəyə qurban əti paylamışdır. Qrupun rəhbəri Xıdır Hakan bildirmişdir ki, Bakıda kəsilən qurbanlıq heyvanların əti bələdiyyələrin təşkilatçılığı ilə müəyyənləşdirilmiş ünvanlara çatdırılmışdır.
Qurban payları əsasən qaçqın və məcburi köçkün ailələrinə paylanmışdır.

 

 
<< Başlat < Önceki 1731 1732 1733 1734 1735 1736 1737 1738 1739 1740 Sonraki > Son >>

Sayfa 1738 > 1745
  TKA 2008