TR  |  EN  |  RU
turkey turkey   azerbaijan kazakhstan kyrgyzstan turkmenistan uzbekistan kktc qha TAT BAŞQ
Ana Sayfa
Birlik Hakkında
Üye Haber Ajansları
Bildiri
Başkanın Mesajı
Tüzük
Haberler



Azerbaycan
BAKIDA DOKTORANTLAR ÜÇÜN SİMPOZİUM KEÇİRİLİR
AzərTAc xəbər verir ki, dekabrın 19-da Bakıda, "Retro club"da Azərbaycan Diplomatik Akademiyasının (ADA) ilk dəfə olaraq doktorantlar üçün təşkil etdiyi ikigünlük simpozium işə başlamışdır.
ADA-nın təlim proqramları üzrə direktoru Fariz İsmayılzadə bildirmişdir ki, simpoziumdan məqsəd elmi dairələrdə Azərbaycan haqqında biliklərin artırılması və təhsil ocağında davamlı akademik debatların təşkili, azərbaycanlı və xarici elm adamları arasında qarşılıqlı əlaqələrin stimullaşdırılması, ölkəmizdə həyata keçirilən təhsil islahatlarına xidmət edəcək əlaqələrin qurulması, araşdırma və tədris metodları sahəsində təcrübə mübadiləsi aparılmasıdır.
Kadrların yetişdirilməsi və "beyin axını"nın geriyə, Azərbaycana yönəldilməsinin ADA-nın prioriteti olduğunu qeyd edən xarici işlər nazirinin müavini Vaqif Sadıqov vurğulamışdır ki, Diplomatik Akademiya "qara qızılın insan qızılına çevrilməsi" istiqamətində fəaliyyət göstərir. Bu isə neft ehtiyatlarından bu məqsədlərlə faydalanan Azərbaycanı digər neft ixracatçılarından fərqləndirir.
V.Sadıqov bildirmişdir ki, simpoziumun keçirilməsindən məqsəd ABŞ və Avropa ölkələrindəki azərbaycanlı elm adamlarını bir araya gətirmək və onları tədqiqat işlərinə cəlb etməkdir. Hazırda ABŞ və Avropada təhsil alan 16 doktorant, elmi işçi Azərbaycana cəlb edilmişdir.
Azərbaycanın regiondakı digər ölkələrə təsirinin böyük olduğunu deyən Cons Hopkins Universitetinin professoru Frederik Starr, ADA-nın və Haifa Universitetinin professoru Brenda Şaffer hesab edirlər ki, ölkəmiz barədə məlumat yaymaq üçün gənc alimlərin üzərinə böyük yük düşür.
Əsas diqqətin sosial, xüsusilə beynəlxalq hüquq və münasibətlər, iqtisadiyyat elmlərinə yönəldilmiş simpoziumda yerli və xarici elm adamları arasında qarşılıqlı əlaqələrin stimullaşdırılması da qərara alınmışdır.
 
AZƏRBAYCAN PREZİDENTİ İLHAM ƏLİYEV ATƏT-İN BAKI OFİSİNİN RƏHBƏRİ XOSE LUİS HERRERO ANSOLANI FƏALİYYƏT MÜDDƏTİNİN BAŞA ÇATMASI İLƏ ƏLAQƏDAR QƏBUL ETMİŞDİR
Azərbaycan Respublikasının Prezidenti İlham Əliyev dekabrın 19-da ATƏT-in Bakı Ofisinin rəhbəri Xose Luis Herrero Ansolanı fəaliyyət müddətinin başa çatması ilə əlaqədar qəbul etmişdir.
Dövlətimizin başçısı ATƏT-in Bakı Ofisinin rəhbərinin Azərbaycandakı fəaliyyəti dövrünün ölkəmizin inkişafı və bütövlükdə region üçün əhəmiyyətli illər olduğunu vurğuladı və gələcək fəaliyyətində ona uğurlar arzuladı.
Xose Luis Herrero Ansola ölkəmizdəki fəaliyyətindən məmnun qaldığını bildirdi.
Görüşdə həmçinin Azərbaycanla ATƏT arasında əməkdaşlığın perspektivlərinə dair fikir mübadiləsi aparıldı.
 
BAKIDA KEÇİRİLƏCƏK BEYNƏLXALQ KİNO FESTİVALINDA 50 FİLM GÖSTƏRİLƏCƏK
AzərTAc xəbər verir ki, dekabrın 22-dən 25-dək Bakıda tələbə filmlərinin 5-ci "Start" Beynəlxalq festivalı keçiriləcəkdir. Azərbaycan, Türkiyə, Gürcüstan, İran, Rusiya, Belarus, Misir və digər ölkələrin tələbə-rejissorlarının dəvət olunduğu festivalın açılış mərasimi Teatr Xadimləri İttifaqında baş tutacaqdır. Müxtəlif ölkələrin peşəkar kinematoqrafçılarından ibarət münsiflər heyəti kinofestivala təqdim olunan 200 filmdən yalnız 50-sini seçmişdir. Filmlər "Nizami" kinoteatrında göstəriləcəkdir.
Xatırladaq ki, 2004-cü ildə gənc kinematoqrafçıların "Sinema" mərkəzi tərəfindən təsis edilmiş "Start" festivalı hər il Mədəniyyət və Turizm, Gənclər və İdman nazirliklərinin dəstəyi ilə keçirilir.
 
LONDONDA NƏŞR OLUNAN "ARAZ" QƏZETİ OXUCULARA YENİ RUBRİKA TƏQDİM ETMİŞDİR

AzərTAc xəbər verir ki, Londonda nəşr olunan "Araz" qəzetinin növbəti sayı işıq üzü görmüşdür. Oxucular, qəzetin bu sayında FASE London forumunun nəticələri, Azərbaycan Evinin açılışı, təşkilatın proqramı və fəaliyyəti, Londonda ikinci Azərbaycan qəzetinin nəşrə başlaması, Britaniyada türk icmaları forumunun yaradılması və s. maraqlı xəbərlərlə tanış ola bilərlər.
Bundan başqa, bu saydan etibarən "Araz" qəzeti hər nömrəsində Britaniyada məskunlaşmış bir azərbaycanlı ailəsinin evində QONAQ (səhifənin adı belədir) olacaq və onların yaşam tərzi, düşüncələri, Azərbaycana olan münasibəti ilə oxucuları tanış edəcəkdir. Qəzetin qonaq olduğu ilk azərbaycanlı ailə isə Londonda yaşayan Məryəm və Məhərrəm Əliyevlər ailəsidir.
"Araz" qəzeti Londonda 2006-cı ildən nəşr olunur və gələcəkdə daha yeni və fərqli layihələri oxucuların nəzərinə çatdırmağı planlaşdırır.
Abunə olmaq istəyənlər Bu e-Posta adresi istek dışı postalardan korunmaktadır, görüntülüyebilmek için JavaScript etkinleştirilmelidir elektron ünvanına müraciət edə bilərlər.

 
DİNİ ƏDƏBİYYATIN AZƏRBAYCANA QANUNSUZ YOLLA GƏTİRİLMƏSİNİN QARŞISI ALINMIŞDIR

AzərTAc xəbər verir ki, dini ədəbiyyatın Azərbaycana qanunsuz yolla gətirilməsinin qarşısı alınmışdır.
Dini Qurumlarla İş Üzrə Dövlət Komitəsinin sədri Hidayət Orucov bildirmişdir ki, komitənin müvafiq qurumlarla birgə gördüyü tədbirlər nəticəsində zərərli dini ədəbiyyatın həm ölkəyə idxalı, həm də ölkə daxilində nəşri son dərəcə azalmışdır.
Komitə ötən il 750 adda dini ədəbiyyata baxmış və dini dözümsüzlüyü, ayrı-seçkiliyi təbliğ edən 140 adda kitabın ölkəyə idxalının və yayılmasının qarşısını almışdır.
DQİDK-da qadağan olunmuş dini ədəbiyyatın siyahısı vardır. İnsanlar arasında irqi, dini ayrı-seçkilik salan, dini ədavət yaradan kitabların nəşri, satışı qanunla qadağan olunur.

 
<< Başlat < Önceki 1711 1712 1713 1714 1715 1716 1717 1718 1719 1720 Sonraki > Son >>

Sayfa 1717 > 1748
  TKA 2008