TR  |  EN  |  RU
turkey turkey   azerbaijan kazakhstan kyrgyzstan turkmenistan uzbekistan kktc qha TAT BAŞQ
Ana Sayfa
Birlik Hakkında
Üye Haber Ajansları
Bildiri
Başkanın Mesajı
Tüzük
Haberler



Azerbaycan
İLK AZƏRBAYCANLIYA VYANA UNİVERSİTETİNİN DOKTORLUQ ELMİ DƏRƏCƏSİ VERİLMİŞDİR
AzərTAc-ın xüsusi müxbiri xəbər verir ki, bu günlərdə Vyana Universitetində doktorluq elmi dərəcəsi almış məzunlara diplomların təqdim edilməsi mərasimi keçirilmişdir. Məzunlar arasında hüquq fakültəsinin doktorantı, həmyerlimiz Yeganə Məsimova da vardır. Təntənəli mərasimdə ali təhsil ocağının rəhbərliyi tərəfindən Vyana Universitetində doktorluq elmi dərəcəsi almış ilk azərbaycanlı xanıma doktorluq diplomu təqdim edilmişdir. Mərasimdə 18 nəfər avstriyalı məzun doktorluq elmi dərəcəsi almışdır. Bu məzunların sırasında Y.Məsimova nəinki yeganə azərbaycanlı, həm də yeganə qeyri-avstriyalı məzun olmuşdur. Y.Məsimovaya “Avropa İttifaqı (xüsusilə Avstriya və Almaniyanın nümunəsində) və Azərbaycanda əmək fəaliyyətində cinsi bərabərliyin hüquqi tənzimlənməsi” mövzusundakı doktorluq dissertasiyasını Vyana Universitetinin “Əmək hüququ və sosial hüquq” kafedrasının professoru, Vyana universitetinin Ailə Tədqiqatları İnstitutunun rəhbəri, professor doktor Volfqanq Matsalın elmi rəhbərliyi altında yazmışdır. Qeyd etmək lazımdır ki, dissertasiyada xususən  Azərbaycan və Avstriyanın  əmək qanunvericiliyi sistemində cinsi bərabərliyin hüquqi tənzimlənməsindən, eyni zamanda Ermənistan-Azərbaycan, Dağlıq Qarabağ münaqişəsi zamanı Azərbaycana, habelə Azərbaycanın əmək bazarına vurulan zərər və onun acı nəticələrindən bəhs edilir. Avstriya Akademik Mubadilə Xidməti tərəfindən 2005-ci ildə keçirilmiş müsabiqə nəticəsində qazandığı 3 illik təqaüdlə 2008-ci ildə doktorluq işini uğurla başa vuran Yeganə Məsimova, eyni zamanda, Avstriyada təhsil aldığı müddətdə Vyanada fəaliyyət göstərən “Azərbaycan Akademik Birliyi”nin fəal üzvlərindən biri olmuşdur. Xatırladaq ki, Vyana Universiteti Avstriyanın, eləcə də Avropanın ən qədim və nüfuzlu universitetlərindən biridir. 1365-ci ildə IV Hersoq Rudolf tərəfindən əsası qoyulan universitetin hazırda 75 min nəfərə yaxın tələbə-müəllim heyəti vardır. Burada 170-dən artıq müxtəlif ixtisas tədris olunur.
 
ERMƏNİSTAN SİLAHLI QÜVVƏLƏRİNİN BÖLMƏLƏRİ TƏRTƏRDƏ ATƏŞKƏSİ POZMUŞDUR
Müdafiə Nazirliyinin mətbuat xidmətindən AzərTAc-a verilən məlumata görə, Ermənistan silahlı qüvvələrinin bölmələri dekabrın 22-də saat 5.00-dan 5.20-dək Tərtər rayonunun Qızıl Oba və Çiləbürt kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar. Bütün hallarda düşmən cavab atəşi ilə susdurulmuşdur. İtki yoxdur.
 
"STANDARD & POOR'S" REYTİNQ AGENTLİYİ AZƏRBAYCAN RESPUBLİKASINA BB+ KREDİT REYTİNQİ VERMİŞDİR

AzərTAc xəbər verir ki, dünyanın aparıcı reytinq agentliyi "Standard & Poor's" ilk dəfə olaraq Azərbaycan Respublikasının kredit reytinqini qiymətləndirmişdir.
Xatırladaq ki, agentlik dekabrın 16-da Azərbaycan Respublikasına "BB+" suveren uzunmüddətli kredit reytinqi verdiyi barədə məlumat yaymışdı. Reyting üzrə proqnoz "sabit" idi.
Bu gün beynəlxalq maliyyə sisteminin ağır böhran, dünya iqtisadiyyatının dərin tənəzzül keçirməsinə və neftin qiymətinin kəskin şəkildə aşağı düşməsinə baxmayaraq, "Standard & Poor's" tərəfindən Azərbaycan Respublikasına verilmiş bu qiymət ölkə iqtisadiyyatının böyük imkanlarını və dayanıqlığını nümayiş etdirir.
Hazırda Azərbaycan Respublikasının "Moody's Investors Service" beynəlxalq reytinq agentliyi tərəfindən verilən kredit reytinqi "Ba1", "Fitch Ratings" beynəlxalq reytinq agentliyi tərəfindən verilən kredit reytinqi isə "BB+"dir.

 
TÜRKİYƏ PREZİDENTİ ABDULLAH GÜL: "AİLƏMİZİN MƏNŞƏYİ MÜSƏLMAN VƏ TÜRKDÜR"

AzərTAc-ın xüsusi müxbiri xəbər verir ki, Türkiyə Prezidenti Abdullah Gül Cümhuriyyət Xalq Partiyasından olan qadın millət vəkili Canan Arıtmanın onun nənəsinin erməni mənşəli olmasına dair iddiasına cavab olaraq mətbuat üçün bəyanat yaymışdır.
Bəyanatda deyilir ki, Gül ailəsinin əsrlərə uzanan və qeydə alınmış keçmişi müsəlman və türkdür. Türkiyə dövlətinin başçısının ana tərəfindən mənsub olduğu Satoğlu, ata tərəfindən isə Gül ailəsinin türk mənşəli olduğuna dair şəcərə cədvəli və həmyerlilərinin şahidliyi vardır.
Bütün insanların etnik mənşəyinə, dini etiqadına və ailə bağlarına hörmət etdiyini və onların hamısının bərabət hüquqlara malik olduğunu bidirən Türkiyə Prezidenti, özünün etnik mənşəyi barədə məqsədli şəkildə yayılan yalanların təkzib edilməsinə ehtiyac duyduğunu da vurğulamışdır.

 
YARADICILIQ UĞURLARI İLİ

Yola salmaqda olduğumuz il Azərbaycanın tanınmış sənədli filmlər rejissoru Ziya Şıxlinski üçün məhsuldar olmuşdur. Onun yeni "Azərbaycan motivləri" filmi Aşqabadda keçirilən "Türkmənistan və dünya kinosu" beynəlxalq kinofestivalında ölkəmizi uğurla təmsil etmişdir. 20 dəqiqəlik filmdə Azərbaycanın zəngin musiqisindən, müasir opera və balet sənətindən, milli rəssamlığımız və memarlıq incilərindən ustalıqla söhbət açılır. Film Mədəniyyət və Turizm Nazirliyinin sifarişinə əsasən Avropa Şurasının üzvü olan ölkələrin mədəniyyət nazirlərinin bu yaxınlarda Bakıda keçirilən görüşü münasibətilə "Yaddaş" studiyasında çəkilmiş və tədbirdə uğurla nümayiş etdirilmişdir.
Ziya Şıxlinskinin Xocalı faciəsindən bəhs edən filmi zəmanəmizin görkəmli yazıçısı Çingiz Aytmatovun 80 illik yubileyi münasibətilə Qırğızıstanda keçirilən II İssık-Kul beynəlxalq festivalında yüksək qiymətləndirilmişdir. Oktyabrda keçirilmiş festivalda Asiya, Avropa və Amerikanın 15 ölkəsinin kinematoqrafçılarının işləri nümayiş etdirilmişdir. Azərbaycan rejissorunun "Səlnamə" kinostudiyasında çəkdiyi film də sınaqdan uğurla çıxmışdır.
Otuz ildir sənədli filmlər çəkən Ziya Şıxlinski 10-dan çox müxtəlif filmin müəllifidir. Yeni ildə isə rejissoru yeni yaradıcılıq planları gözləyir.

 

 
<< Başlat < Önceki 1711 1712 1713 1714 1715 1716 1717 1718 1719 1720 Sonraki > Son >>

Sayfa 1711 > 1749
  TKA 2008