TR  |  EN  |  RU
turkey turkey   azerbaijan kazakhstan kyrgyzstan turkmenistan uzbekistan kktc qha TAT BAŞQ
Ana Sayfa
Birlik Hakkında
Üye Haber Ajansları
Bildiri
Başkanın Mesajı
Tüzük
Haberler



Azerbaycan
Azərbaycan Prezidenti İlham Əliyev 22-ci Dünya Neft Konqresində iştirak etmək üçün Türkiyəyə səfərə gəlib
Azərbaycan Respublikasının Prezidenti İlham Əliyev İstanbulda keçirilən 22-ci Dünya Neft Konqresində iştirak etmək üçün iyulun 9-da Türkiyə Respublikasına səfərə gəlib. AZƏRTAC-ın xüsusi müxbiri xəbər verir ki, Azərbaycanın və Türkiyənin dövlət bayraqlarının dalğalandığı İstanbulun Atatürk Beynəlxalq Hava Limanında Prezident İlham Əliyevin şərəfinə fəxri qarovul dəstəsi düzülmüşdü. Fəxri qarovul dəstəsinin rəisi Prezident İlham Əliyevə raport verdi. Dövlətimizin başçısı fəxri qarovul dəstəsini salamladı. Azərbaycan Prezidentini İstanbul valisi Vasip Şahin və digər rəsmi şəxslər qarşıladılar.
 
Hüseyn İntizami: Azərbaycan ilə informasiya sahəsində əlaqələrin daha da genişləndirilməsi əsas məqsədimizdir
Azərbaycan və İran arasında informasiya sahəsində əlaqələrin daha da genişləndirilməsi, media qurumları ilə əməkdaşlığın artırılması əsas prioritetlərimizdəndir. Bu fikri iyulun 10-da AZƏRTAC-ın Baş direktoru Aslan Aslanov ilə keçirilən görüşdə İranın mədəniyyət və islami irşad nazirinin mətbuat və informasiya üzrə müavini Hüseyn İntizami söyləyib. Azərbaycanın bütün sahələrdə uğurla inkişaf etdiyini, qlobal problemlərin müzakirə olunduğu məkana çevrildiyini deyən Baş direktor Aslan Aslanov ölkəmizdə mətbuatın inkişafına böyük önəm verildiyini diqqətə çatdırıb. Bildirilib ki, Azərbaycan müstəqilliyinin ilk illərində informasiya blokadasında olub. Ulu öndər Heydər Əliyev yenidən siyasi hakimiyyətə qayıdışından sonra Azərbaycan reallıqları dünya ictimaiyyətinə daha intensiv çatdırılmağa başlayıb. Prezident İlham Əliyevin rəhbərliyi ilə aparılan quruculuq işləri Azərbaycan mətbuatının inkişafına da müsbət təsir edib. Qeyd olunub ki, AZƏRTAC bir sıra iri regional informasiya agentlikləri təşkilatlarının fəal üzvüdür. Hazırda agentlik Dünya Xəbər Agentlikləri Konqresinin və Asiya və Sakit Okean Ölkələri İnformasiya Agentlikləri Təşkilatının sədridir. Baş direktor vurğulayıb ki, AZƏRTAC İranın nüfuzlu İRNA agentliyi ilə uzun illərdir səmərəli əməkdaşlıq edir, hər iki agentlik beynəlxalq təşkilatlarda bir-birini dəstəkləyir. Nazir müavini Hüseyn İntizami ümumi mədəni və tarixi köklərə malik olan İran və Azərbaycanın qonşu ölkələr olduğunu bildirib. İki ölkə arasında bütün sahələrdə əməkdaşlığın yüksək səviyyədə olduğunu qeyd edən H.İntizami informasiya sahəsində əlaqələrin daha da genişləndirilməsinin əsas məqsədləri olduğunu önə çəkib. O, ölkələrimizin media qurumlarının regionda baş verən hadisələrə diqqətli yanaşmasının ortaq mədəniyyətimizin, tariximizin qorunması və inkişafında vacib məqam təşkil etdiyini qeyd edib. “AZƏRTAC böyük tarixə malik agentlikdir və onun geniş fəaliyyət sahəsi var. AZƏRTAC-ın İRNA ilə uğurlu əməkdaşlığı xalqlarımız arasında əlaqələrin inkişafına müsbət təsir göstərir”, - deyə nazir müavini Hüseyn İntizami vurğulayıb. Görüşdə medianın inkişaf meyilləri, birgə layihələrin həyata keçirilməsi, qarşılıqlı səfərlərin təşkili ətrafında fikir mübadiləsi aparılıb.
 
Türkiyə XİN: Ermənistan hərbçilərinin mülki azərbaycanlıları qətlə yetirməsini qətiyyətlə pisləyirik
Bakı, 5 iyul, AZƏRTAC İyulun 4-də Ermənistan silahlı bölmələri tərəfindən Azərbaycanın Füzuli rayonunun Alxanlı kəndinin atəşə tutulmasını və bunun nəticəsində 50 yaşlı qadının və iki yaşlı nəvəsinin həyatlarını itirməsini qətiyyətlə pisləyirik. Bu xain hücum nəticəsində həyatlarını itirənlərə Allahdan rəhmət diləyir, yaxınlarına başsağlığı verir, yaralanan qadına isə şəfa arzulayırıq. AZƏRTAC xəbər verir ki, bu fikirlər Ermənistan silahlı bölmələri tərəfindən açılan atəş nəticəsində Azərbaycanın mülki vətəndaşlarının həyatlarını itirməsi ilə bağlı Türkiyənin Xarici İşlər Nazirliyinin yaydığı bəyanatda yer alıb. Bəyanatda deyilir: “Bu mənfur hadisə Azərbaycan torpaqlarının beşdə birini işğal edən Ermənistanın cəbhə xəttində ağır silahlarla təxribat törətməsini, beynəlxalq hüquqa və insan haqlarına zidd olaraq, dinc sakinləri, xüsusilə uşaq və qadınları hədəfə aldığını göstərir. Beynəlxalq ictimaiyyət bilməlidir ki, Ermənistanın sistemli şəkildə yeritdiyi şiddət siyasəti Dağlıq Qarabağ münaqişəsinin sülh yolu ilə həllinin qarşısında duran ən böyük əngəldir. Ermənistanın işğal etdiyi torpaqlardan çıxarılması üçün təzyiq göstərilməlidir. Türkiyə ATƏT-in Minsk qrupunun üzvü kimi, münaqişənin Azərbaycanın ərazi bütövlüyü və suverenliyi çərçivəsində davamlı həlli istiqamətindəki səyləri dəstəkləməyi davam etdirəcək”.
 
Hikmət Hacıyev: Ermənistanın siyasi hakimiyyətinin məqsədi münaqişənin həllinə maneə yaratmaqdır
Bakı, 5 iyul, AZƏRTAC Ötən gün Ermənistan silahlı qüvvələrinin bölmələrinin Füzuli rayonunun Alxanlı kəndini minaatanlardan və dəzgahlı qumbaraatanlardan atəşə tutması nəticəsində iki nəfərin, o cümlədən azyaşlının həlak olması və bir nəfərin yaralanması ilə əlaqədar Xarici İşlər Nazirliyi xarici ölkələrdəki nümayəndəliklərimizə tapşırıq verib ki, Azərbaycanın narahatlığını beynəlxalq ictimaiyyətin diqqətinə çatdırsın. AZƏRTAC xəbər verir ki, bunu iyulun 5-də keçirilən mətbuat konfransında Xarici İşlər Nazirliyinin mətbuat xidmətinin rəhbəri Hikmət Hacıyev deyib. H.Hacıyev bildirib ki, bu hadisə status-kvonun dəyişdirilməsinin vacibliyini bir daha sübut etdi. ATƏT-in Minsk qrupunun həmsədrlərinin regiona səfərindən dərhal sonra bu cür hadisənin baş verməsi göstərir ki, Ermənistanın siyasi hakimiyyətinin məqsədi münaqişənin həllinə maneə yaratmaq və gərginliyi artırmaqdır. Bununla əlaqədar Azərbaycanın xarici işlər nazirinin ATƏT-in Minsk qrupunun rusiyalı və fransalı həmsədrləri ilə telefon danışığı olub və ölkəmizin narahatlığı onların diqqətinə çatdırılıb.
 
Vaqif Dərgahlı: Baş verə biləcək hər hansı hadisə ilə bağlı bütün məsuliyyət Ermənistan tərəfinin üzərinə düşür
Bakı, 5 iyul, AZƏRTAC İyulun 4-də saat 20:40 radələrində Ermənistan silahlı qüvvələri tərəfindən Füzuli rayonunun Alxanlı kəndinin minaatanlardan və dəzgahlı qumbaraatanlardan atəşə tutulması nəticəsində kənd sakinləri 1967-ci il təvəllüdlü Quliyeva Sahibə İdris qızı və 2015-ci il təvəllüdlü Quliyeva Zəhra Elnur qızı həlak olublar. Atəş nəticəsində qəlpə yarası alan 1965-ci il təvəllüdlü Quliyeva Sərvinaz İltifat qızı dərhal hərbi hospitala çatdırılıb. Həkimlərin vaxtında müdaxiləsi nəticəsində onun həyatını xilas etmək mümkün olub. AZƏRTAC xəbər verir ki, bunu iyulun 5-də keçirilən mətbuat konfransında Müdafiə Nazirliyinin mətbuat xidmətinin rəhbəri, polkovnik Vaqif Dərgahlı deyib. V.Dərgahlı bildirib: “Silahlı Qüvvələrimizin bölmələri dərhal cavab tədbirləri görüblər. Əlbəttə ki, Ermənistan tərəfi də itkilər verib. Ancaq həmişə olduğu kimi, düşmən bu dəfə də öz itkilərini gizlədir. Beynəlxalq qurumlar hadisə ilə bağlı məlumatlandırılıb. Ermənistan tərəfinin bu cür əməllərinin qarşısı qətiyyətlə alınacaq. Azərbaycan Respublikası Müdafiə Nazirliyi bəyan edir ki, baş verə biləcək hər hansı hadisə ilə bağlı bütün məsuliyyət Ermənistan tərəfinin üzərinə düşür”.
 
<< Başlat < Önceki 1 2 3 4 5 6 7 8 9 10 Sonraki > Son >>

Sayfa 8 > 1713
  TKA 2008