TR  |  EN  |  RU
turkey turkey   azerbaijan kazakhstan kyrgyzstan turkmenistan uzbekistan kktc qha TAT BAŞQ
Ana Sayfa
Birlik Hakkında
Üye Haber Ajansları
Bildiri
Başkanın Mesajı
Tüzük
Haberler



Azerbaycan
Vüqar Zaynalov: Türk iş adamları ilə birgə Qarabağı tezliklə dirçəldəcəyik

Bakı, 21 yanvar, AZƏRTAC

Türkiyə iş adamları ilə birlikdə işğaldan azad edilmiş ərazilərimizi tezliklə dirçəldəcəyik.

AZƏRTAC xəbər verir ki, bu sözləri Azərbaycan Sahibkarlar (İşəgötürənlər) Təşkilatları Milli Konfederasiyasının (ASK) vitse-prezidenti Vüqar Zaynalov Azərbaycanda səfərdə olan “TÜMKİAD” İş adamları və Sahibkarlar Dərnəyinin nümayəndə heyəti ilə görüşdə deyib.

O bildirib ki, 2021-ci il Azərbaycanda böyük quruculuq ilidir və iqtisadi inkişafla bağlı Prezident İlham Əliyevin rəhbərliyi ilə həyata keçirilən fəaliyyətlərdə özəl sektor, sahibkarlar da fəal iştirak edəcəklər.

Sahibkarlar Konfederasiyası bu sahədə Türkiyə təcrübəsinin öyrənilməsində iş adamlarına geniş dəstək verir deyən konfederasiyanın vitse-prezidenti iki ölkə arasında biznes forumların keçirilməsinin vacibliyini vurğulayıb.

 
20 Yanvar şəhidlərinin xatirəsi Şuşada anılıb

Bakı, 20 yanvar, AZƏRTAC

20 Yanvar faciəsinin 31-ci ildönümü ilə əlaqədar Şuşada Azərbaycan Ordusunun hərbi qulluqçularının iştirakı ilə anım mərasimi keçirilib.

Müdafiə Nazirliyinin mətbuat xidmətindən AZƏRTAC-a bildiriblər ki, tədbirdə şəhidlərin xatirəsi bir dəqiqəlik sükutla yad edildikdən sonra Azərbaycan Respublikasının dövlət himni ifa olunub.

Tədbirdə 20 Yanvar faciəsinin tarixi əhəmiyyətindən danışılıb, ümummilli lider Heydər Əliyevin və Azərbaycan Respublikası Prezidenti, Silahlı Qüvvələrin Müzəffər Ali Baş Komandanı İlham Əliyevin bu faciə barədə həqiqətlərin dünya ictimaiyyətinə çatdırılması istiqamətində həyata keçirdiyi siyasətin uğurları barədə ətraflı məlumat verilib.


 
Türkiyə Milli Müdafiə Nazirliyi: 20 Yanvar - Unutmadıq, unutmayacağıq!

Ankara, 20 yanvar, AZƏRTAC

Türkiyənin Milli Müdafiə Nazirliyi internet səhifəsində “20 Yanvar - Unutmadıq, unutmayacağıq!” şüarı ilə paylaşım edib.

AZƏRTAC xəbər verir ki, paylaşım nazirliyin “Twitter” sosial şəbəkə hesabından ictimaiyyətə təqdim olunub.

Azərbaycan və Türkiyənin dövlət bayraqlarının qoşa dalğalandığı və faciənin real acısını əks etdirən orijinal fotonun da yer aldığı paylaşımda yazılır: “1990-cı il 20 yanvar tarixində qardaş Azərbaycanda yaşanan və Qara Yanvar kimi tanınan qətliamda şəhid olan qardaşlarımızı rəhmətlə anırıq. Azərbaycanın Milli Matəm Günü bütün şəhidlərimizə Allahdan rəhmət diləyirik”.


Sabir Şahtaxtı

AZƏRTAC-ın xüsusi müxbiri

Ankara
 
Azərbaycanda COVID-19-a 332 yeni yoluxma faktı qeydə alınıb, 897 nəfər sağalıb

Bakı, 20 yanvar, AZƏRTAC

Azərbaycan Respublikasında koronavirus infeksiyasına 332 yeni yoluxma faktı qeydə alınıb, 897 nəfər müalicə olunaraq sağalıb.

Nazirlər Kabineti yanında Operativ Qərargahdan AZƏRTAC-a verilən məlumata görə, COVID-19 üçün götürülən analiz nümunələri müsbət çıxmış 12 nəfər vəfat edib.

Hazırkı dövrədək ölkəmizdə 228 min 28 nəfərin koronavirus infeksiyasına yoluxması faktı müəyyən edilib. Onlardan 217 min 617 nəfər müalicə olunaraq sağalıb, 3044 nəfər vəfat edib. Aktiv xəstə sayı 7367 nəfərdir.

Ötən müddət ərzində 2 milyon 336 min 498 test aparılıb. Bugünkü test sayı isə 7991-dir.


 
Türk Şurası ilə energetika sahəsində əməkdaşlığa dair müzakirələr aparılıb

Bakı, 20 yanvar, AZƏRTAC

Energetika naziri Pərviz Şahbazov Türkdilli Dövlətlərin Əməkdaşlıq Şurasının (Türk Şurası) Baş katibi Bağdad Amreyevin başçılıq etdiyi nümayəndə heyəti ilə görüşüb.

Energetika Nazirliyindən AZƏRTAC-a bildirilib ki, görüşdə təşkilat çərçivəsində energetika sahəsində əməkdaşlığın mövcud vəziyyəti və inkişaf perspektivləri müzakirə olunub.

Nazir Türkdilli Dövlətlərin Əməkdaşlıq Şurası tərəfindən Azərbaycanın beynəlxalq hüquqa və ədalətə əsaslanan mövqeyinin daim dəstəklənməsini yüksək qiymətləndirib, xüsusilə 44 günlük Vətən müharibəsi dövründə ölkəmizin apardığı haqq savaşına beynəlxalq səviyyədə verilmiş dəstəyə görə Baş katibə təşəkkür edib.

Sonra türkdilli ölkələrlə energetika sahəsində ikitərəfli formatda olan əməkdaşlıq əlaqələri, təşkilatın platforması əsasında bu əməkdaşlığın daha da dərinləşdirilməsi istiqamətləri barədə ətraflı fikir mübadiləsi aparılıb. Nazir ənənəvi sahələrlə bərabər, son illərdə xüsusilə aktuallaşan enerji səmərəliliyi, bərpaolunan enerji mənbələrindən istifadə, enerji tənzimlənməsi və digər bu kimi sahələrdə türkdilli ölkələr arasında əlaqələrin genişləndirilməsinin böyük potensialı olduğunu vurğulayıb.

Baş katib B.Amreyev Azərbaycanın haqq mövqeyinə dəstəyini bir daha qeyd edərək işğaldan azad olunan ərazilərin bərpası barədə fikirlərini səsləndirib, daha sonra təşkilatın fəaliyyət istiqamətləri, görülmüş işlər və gələcək planlar haqqında məlumat verib.

Görüşdə Azərbaycanın təşkilata sədrliyi çərçivəsində energetika sahəsində həyata keçiriləcək tədbirlərin, o cümlədən Türkdilli Dövlətlərin Əməkdaşlıq Şurasına üzv ölkələrin energetika nazirlərinin və energetika üzrə işçi qrupunun birinci iclasının keçirilməsi ətrafında fikir mübadiləsi aparılıb.

 
<< Start < Prev 1 2 3 4 5 6 7 8 9 10 Next > End >>

Page 6 of 45
  TKA 2008